أســتــرجل ..

موضوع: أســتــرجل .. السبت يوليو 23, 2011 3:26 am

الرجوله مش فـ انك تتهايف زى الاعلانات وتشرب مشروب شعير بريل , وتقول انك راجل..!!

انا وربنا بشوف شباب الواحد بيحزن عليهم عشان كدا حبيت اكتب الموضوع دا

فى
انواع كتير من الشباب مش عارفين معنى الرجوله او فاهمينها غلط ,انا صاحبت
كتير اوى فيهم اللى طلعوا رجاله وفيهم اللى طلعوا سيس واشتغاله

دى
انواع من الشباب لو جينا نسألهم عن معنى الرجوله دا هيكون ردهم من وجهه
نظرى حسب حياتهم وعيشتهم اللى انا اتعرفت عليهم فيها من خلال معاملتى معاهم

هعمله كاحوار بين مثلا شاب فوكس فاهم الرجوله صح وباقى الشباب اللى فاهمينها غلط

^^^^^^^^^^^^

الشاب الفاهم ...< مع اول نوع الشباب الصايع اللى فاكرين الرجوله دراع و المخدرات مدمره عقلهم ومهيقالهم انهم كدا رجاله >

الشاب الفاهم ..: ايه معنى الرجوله ....!!!؟

الشاب الصايع ..: الرجوله ادب مش هز اكتاف ياعمنا

الشاب الفاهم ..: نص المعنى جميل جداا وهى ان الرجوله ادب , <فعلاً الرجوله ادب واخلاق واحترام للذات وللغير>
بس لزمتها ايه كلمة <مش هز اكتاف ياعمنا واللغه البيئه دى> بتزودك كراجل فـ ايه؟

الشاب الصايع..: يابا فكك عشان تاكل عيش فـ البلد دى لازم تبقى راجل قليل الادب وخفه وصايع وتلف اى حد فـ الكلام وتسد وتخلص اى حوار فـ ثانيه الا تلت

الشاب الفاهم ..: يعنى انا عشان اكون راجل لازم ابقى قليل الادب واتخلى عن اخلاقى

الشاب الصايع..: وحياة ابوك انجز عشان مش فاضيلك فى ناس مستنيانى ع القهوة

الشاب الفاهم ..: قهوه..؟ انت فـ السن دا وبتقعد ع القهوة تصيع كدا

الشاب الصايع..: ياعم اهو الواحد بيعدل دماغه بسجارتين حلوين والصحبه الحلوه ماتيجى تقعد معانا

الشاب الفاهم ..: يعنى بتضيع وقتك بعيد عن اهلك فـ الصياعه ع القهوة وتقولى دمااغ , انت متعرفش ان كل دقيقه فـ حياتك هتتحاسب عليها.. ربنا يهديك وتسترجل

^^^^^^^^^^^^^

الشاب الفاهم.. مع تانى نوع< الشباب السيس >

الشاب الفاهم ..: ايه معنى الرجوله ....!!!؟

الشاب السيس ..: يامان الرجوله روشنه

الشاب الفاهم ..: طب ياعم الراجل يعنى ايه روشنه..!! ؟

الشاب السيس..: عشان تبقى روش لازم تبقى كوول وتخش فـ المود

الشاب الفاهم ..: كلام شبابى روش اخر حاجه جميل عاجبنى جداا , بس ممكن تفيدنى انا عاوز ابقى روش زيك عشان اكون راجل اعمل ايه؟

الشاب السيس..:
اول حاجه تغير نفسك لازم تكون استايل تبع الموضه وتهتم بقصات شعرك كل فتره
تغيرها واهم حاجه عشان تبقى روش طحن اخر حاجه تكون مظبطلك كام بنت مزه
كوول كدا وتقضيها بستليه يامان

الشاب الفاهم..: يعنى انا عشان اكون راجل اغضب ربنا واقضيها مع البنات واتشبه باستايلات الغرب اللى منهم النصارى واليهود

الشاب السيس ..:
ايه يامان جو واسلاماه اللى انت عيشتلى فيه دا خليك بيس كدا واتكحرت وعيش
دنيتك الغرب دول ناس متحضره فكك من كلام الفلاحين والناس الجهله دول

الشاب الفاهم ..: بس انا مش هقدر اعمل كدا عشان سيدنا محمد (صلى الله عليه وسلم ) نهانا عن التشبه باليهود والنصارى عندما قال (صلى الله عليه وسلم ) "ليس منا من تشبه بغيرنا لا تشبهوا باليهود ولا بالنصارى"

الشاب السيس..: يامان ماتعقدهاش انت لسه صغير عيش حياتك واتمتع بشبابك الدنيا جامده موووز قضيها فيها والناس لبعضيها

الشاب الفاهم ..: وهو مين قبلى كان ضامن عمره عشان انا اضمنه , ماياما قدى واصغر منى ماتوا ,
بس فى منهم اللى مات راجل والناس افتكرته بالخير وفى منهم اللى مات سيس واتنسى عشان فى منه كتيير

الشاب السيس..: يامان انا مش بقولك اتشبه انا عاوزك تبقى رووش وكووول عشان تقدر تعيش حياتك بيس وفري طنشها وعيشها واديها ضهرك

الشاب الفاهم..: وانا اما اديها ضهرى ابقى كدا راجل....!!؟ لا ياعم مستغنى عن الروشنه بتاعتك انا عاوز اما اموت الناس تفتكرنى بالخير

الشاب السيس ..: انت فصلتنى بعد اذنك بقى سورى هروح اشترى من عمو دا عصير بقر

الشاب الفاهم ..: هو اللبن بقى اسموا عصير بقر .. ربنا يهديك وتسترجل

^^^^^^^^^^^^^^^

الشاب الفاهم.. مع تالت نوع< الشباب المستهتر >

الشاب الفاهم ..: ايه معنى الرجوله ....!!!؟

الشاب المستهتر..: الرجوله مواقف وجدعنه ولازم تبقى صاحب صاحبك

الشاب الفاهم..: تمام ربنا يبارك فيك , انت بتصلى ؟

الشاب المستهتر..: يعنى بصلى بس بقطع فيها

الشاب الفاهم..: طب وايه السبب

الشاب المستهتر..: بكسل وانت عارف الجو تلج اليومين دول والميه ساقعه

الشاب الفاهم ..: الميه ساقعه هههههههه اومال فين الرجوله ..!!؟

لو مت وانت كدا ويقولوا عنك كان ست .. يبقى مـ الاول وانت عايش حول نفسك لبنت

اللى عاوز يموت راجل لازم يعيش راجل

وزى مالشباب الصايعه بيقولوا ان الرجوله مابتتشراش ولا بتتباع فـ اكشاك

لكن المعيله بتتشرى وبتتباع فـ اكشاك...!!!

اقولك ازاى

لما تروح تبيع رجولتك وتشترى بفلوسك دخان فـ الهوا على شكل علبه سجاير وتمسكها تترسم بيها مع الموبايل وتقول عشان تبقى كبير وراجل

تبقى مش راجل...!!!

لما تفضل تشد فـ دخان السيجاره وتضر نفسك وتضر غيرك عشان ميقلوش عليك عيل ومش قادر تشرب سجاير

تبقى مش راجل...!!!

لما تكون مقضيها صياعه وتظبيط فـ اى حاجه يطلق عليها اسم انثى

تبقى مش راجل...!!!

لما تكسل فـ شغلك وتعمل حجه انك صايم وتعبان

تبقى مش راجل...!!!

لما نبيك يهان من اليهود وتضحك وتبقى مبسوط

تبقى مش راجل ....!!!

لما يكون فـى ناس محتاجه وبتدور على حاجه هى معاك وتفرط فيها بسهوله

تبقى مش راجل ....!!!

لما مره تحب فـ بلدك تخسر ماتش تسب وتلعن فيها يبقى معندكش انتماء لنفسك ولا ليها

تبقى مش راجل ....!!!

لما تضحك فـ وش صاحبك الله عليك يمشى ومن ضهره تضحك وتتريق عليه يبقى اتفو عليك

تبقى مش راجل ....!!!

واذا كنت مسلم بجد ومؤمن بالله وبرسوله يبقى لازم تسترجل عشان ماتخليش بصورتك وبتصرفاتك صورة بقيه المسلمين وحشه

نحن قوماً اعزنا الله بالاسلام فمتى ابتغينا العزة بدونة ازلنا الله

افتخر باسلامك وبكونك ولدت مسلما وانعم عليك ربنا بالنعمة دى

....: واســـــــــترجل :...

شكرا لك على مجهودك الرائع

زائر

بارك الله فيك اخي الكريم